Што означува сегашно време?
Сегашното време е едно од најчесто користените времиња во францускиот јазик. Се користи кога се зборува за настани во сегашноста, а понекогаш и за настани во иднина.
Кога се користи сегашното време во францускиот јазик?
Сегашното време во француски јазик се користи во следниве случаи:
- Искажување вистина која е валидна во моментот на зборувањето:
Пример: Момчето се вика Феликс. (Le garçon s’appelle Félix.)
2. Дејство кое се случува еднаш / редовно / никогаш (во негативна форма) се искажува во сегашно време.
Пример: Секој вторник, тој оди на фудбалски тренинг. (Tous les mardis, il va à l’entraînement de football.)
3. Искажување на времетраење на дејството што е во тек (не е завршено) во моментот на зборувањето.
Пример: Тој игра фудбал пет години. (Il joue au football depuis cinq ans.)
4. Дејство што ќе се одвива во иднина, но потребно е да се стави временски датум , за да се знае точно кога истото ќе се случи .
Пример: Следниот вторник во 14 часот, неговиот тим има важен натпревар. (Mardi prochain à 14 heures, son équipe a un match important.)
Како се менуваат глаголите во сегашно време во францускиот јазик?
ВАЖНО!!!! Во францускиот јазик има 3 (вида) на глаголи (правилни глаголи), глаголи со кои завршуваат на -er, како што е manger (јаде), правилни глаголи кои завршуваат на –ir, како што е finir, правилни глаголи кои завршуваат во инфинтивна форма на -re како што е vendre (продава).
Исто така има и неправилни глаголи, за чиешто менување во сегашно време, ќе зборувам во друг напис.
За да менувате глаголи во сегашно време, заменете го крајот на инфинитивот на глаголите, во зависност од глаголската група, со следниве завршетоци:
| Лице | Глаголи од 1 група (завршуваат на-er) | Глаголи од 2 група (завршуваат на-ir/-issant) | Глаголи од 3 група** (завршуваат на -re) |
| 1 лице еднина | -e | -is | -s |
| 2 лице еднина | -es | -is | -s |
| 3 лице еднина | -e | -it | -t / – |
| 1 лице множина | -ons | -issons | -ons |
| 2 лице множина | -ez | -issez | -ez |
| 3 лице множина | -ent | -issent | -ent |
Во овој напис е претставено менувањето на глаголи кои припаѓаат на првата група.
Глаголите од првата група кои завршуваат на ER
Глаголите од 1-та група завршуваат на -er во инфинитив. Еве како да ги менувате во сегашно време:
СЕ МЕНУВА ЗАВРШЕТОКОТ НА ИНФИНИТИВОТ (ER) СО ЗАВРШЕТОЦИТЕ КОИ ГИ ИМА ПОДОЛУ ВО ТАБЕЛАТА!
| Лице | Завршетоци | aimer (сака) | chanter (пее) |
| 1 лице еднина | -e | j’aime | je chante |
| 2 лице еднина | -es | tu aimes | tu chantes |
| 3 лице еднина | -e | il/elle/on aime | il/elle/on chante |
| 1 лице множина | -ons | nous aimons | nous chantons |
| 2 лице множина | -ez | vous aimez | vous chantez |
| 3 лице множина | -ent | ils/elles aiment | ils/elles chantent |
Погледнете го и видеото за да го чуете изговорот:
allez!on parle français ! 